ராமாயண இதிகாசத்துடன் நேரடியாக தொடர்புடைய புனித தலமாக ராமேஸ்வரம் இராமநாதசுவாமி கோயில் விளங்குகிறது. ஸ்ரீஇராமபிரான் இராவணனை வதம் செய்ததால் ஏற்பட்ட பிரம்மஹத்தி தோஷத்தை நீக்க, அகத்திய முனிவரின் ஆலோசனைப்படி சீதை மற்றும் இலட்சுமணனுடன் இத்தலத்திற்கு வந்து சிவலிங்கத்தை பிரதிஷ்டை செய்து வழிபட்டதாக புராணங்கள் கூறுகின்றன.

சிவலிங்கத்தை பிரதிஷ்டை செய்ய கைலாசத்திலிருந்து லிங்கம் கொண்டு வர அனுமனை அனுப்பினார் ராமர். ஆனால் அவர் வர தாமதமானதால், சீதாதேவி மணலில் ஒரு சிவலிங்கம் செய்து நல்ல நேரத்திற்குள் பிரதிஷ்டை செய்தார். பின்னர் அனுமன் கொண்டு வந்த லிங்கமும் அருகில் பிரதிஷ்டை செய்யப்பட்டது. இன்றும் இந்த இரண்டு லிங்கங்களும் –
ராமலிங்கம் (மூலவர்) மற்றும் விஸ்வலிங்கம் (சீதாலிங்கம்) – வழிபாட்டில் உள்ளன.