அசைவ உணவுகளை தவிர்ப்பது மட்டுமே ஆரோக்கியமான உணவு முறையாகாது. அதற்கு பதிலாக உடலுக்கு தேவையான பல்வேறு ஊட்டச்சத்துக்களும் கிடைக்கும் வகையில் உணவை திட்டமிடுவது முக்கியம்.

காலை உணவில் இட்லி, தோசை போன்றவற்றுடன் சாம்பார் அல்லது பருப்பு சார்ந்த உணவை சேர்க்கலாம். மதிய உணவில் சாதம் அல்லது சிறுதானியத்துடன் கீரை, பருப்பு, காய்கறிகள் மற்றும் தயிர் போன்றவற்றை எடுத்துக்கொள்ளலாம்.

மாலை நேரத்தில் பழங்கள் மற்றும் அளவான நட்ஸ் எடுத்துக்கொள்ளலாம். இரவு உணவில் காய்கறிகளுடன் பருப்பு, டோஃபு அல்லது சோயா போன்ற புரத உணவுகளை சேர்க்கலாம்.

இவ்வாறு உணவில் பல்வேறு உணவு வகைகளை சேர்ப்பதன் மூலம் அசைவ உணவுகளை தவிர்த்தாலும் சத்தான உணவு முறையை தொடர்ந்து கடைப்பிடிக்க முடியும்.

புரட்டாசி மாதத்தில் விரதம் இருப்பவர்கள் அல்லது குறிப்பிட்ட உணவுகளை முற்றிலும் தவிர்ப்பவர்கள் தங்களின் வயது, உடல்நிலை மற்றும் ஊட்டச்சத்து தேவைக்கு ஏற்ப உணவு முறையை அமைத்துக்கொள்ள வேண்டும். குழந்தைகள், கர்ப்பிணிகள், பாலூட்டும் பெண்கள், முதியவர்கள் மற்றும் ஏற்கனவே உடல்நலப் பிரச்சினைகள் உள்ளவர்கள் நீண்ட நேரம் உணவு தவிர்ப்பது அல்லது கடுமையான உணவு கட்டுப்பாடுகளை மேற்கொள்வதற்கு முன்பு மருத்துவர் அல்லது ஊட்டச்சத்து நிபுணரிடம் ஆலோசனை பெறுவது நல்லது.